Fai falta remangase pa entamala a garrotazos. Apuntu tuve el otru día. Resulta que llamome antesdeayer un diañu castrón. Yo subía pe la cuesta mio casa cuando, de repente, con nocturnidad y alevosía, encontré entre unos matojos un sustu de muerte. Unes oreyes picudes apuntaben pa fuera, siendo grave el terror que me invadió y muy húmedu el sudor que me bañó de cabeza pa baxu.

-Weeeeee! ¿pa ondi vas castrón?- oyí desde la seve.

-¿Quien llama oh? acerté a contestar.

La verdá ye que non se veía un palmu de madreñes pa llante. Catalina había decidío non salir aquella nuechi. Ya veía la negra guadaña cayendo pol pescuezu.

-Soy el diañu castrón. El de oreyes picudes y rabu saltón. ¿Pa onde tires? Non pues pasar, ta ciarrao.

-¡¡Déxame en paz charrán!! Vengo del llagar con dos botelles buenes... bueno... y otra más adientro, faciendoi digestión.- La verdá ye que yo non daba créditu. Nunca me había pasao tal cosa, aunque per les caleyes de Nava siempre se dijo que taba infestao de burlones. Sobre tó después de les 2 la mañana.

-¡Mecagon los sapos la Cogolla! Tu non pases de quí hoy como ta mandao -continuó la visión-. Venga, dame les botelles o non duermes más de les cadenes que te voy mover pel desván.

-¡Que non! que son pa facer compota om. ¡Engañete!

-¡Ahora verás! dijo sacando el rau con forma tridente.

Oye, non lo vas creer pero en estes, xustu cuando taba tirándose sobre mí, zotose fuera´l prau el cuélebre que compré fae dos sábados na plaza´l mercau y de una bocaná fueu que i chó, desapaeció aquel cosu feu de entre les ortigües. Nunca más lu vi. Cada vez que paso ahora por allí acuérdome de tal circunstancia y sobre tó, de que debo al llagareru les dos botelles. Pues tal cosa ye, que no les había pagao. Aunque la verdá, era mala de coyones aquella sidra, algunos califíquenla de allucinatoria...